U Mahilovie padletak paškodziŭ viertalot, jaki pryvieźli dla ekspazicyi Muzieja Słavy
U Mahilovie milicyja zaviała kryminalnuju spravu paśla taho, jak padletak paškodziŭ viertalot, što pavinien byŭ stać častkaj ekspazicyi Muzieja Słavy.
Jak paviedamlajecca, viertalot pryvieźli na adkrytuju placoŭku z aerakłuba DTSAAF, ale da aficyjnaha adkryćcia jon užo paśpieŭ paciarpieć.
Padčas ekskursii ludzi mahli zachodzić u kabinu viertalota. A paśla mierapryjemstva 15-hadovy padletak prabraŭsia da mašyny i ŭdaryŭ nahoj pa škle kabiny. Svaje dziejańni jon patłumačyŭ tym, što chacieŭ pravieryć tryvałaść škła.
Za chulihanstva suprać chłopca raspačali kryminalnuju spravu.