U kvartale «Minsk Śviet» stvorać park
Zialonuju zonu stvorać na ŭčastku, jaki raniej płanavałasia addać pad katedžnuju zabudovu.
Minsk Śviet. Fota zabudoŭščyka
U «Minsk Śviecie» stanie bolš zielaniny, pra heta raspavioŭ kiraŭnik administracyi Kastryčnickaha rajona stalicy Eduard Tamilčyk, pišuć Minsk-Naviny.
«Jość daručeńnie staršyni Minharvykankama pra toje, kab na terytoryi «Minsk Śvietu» raźbili parkavy kompleks», — zajaviŭ jon.
Jak udakładniŭ kiraŭnik rajona, zialonuju zonu stvorać na ŭčastku, jaki raniej płanavałasia addać pad katedžnuju zabudovu.
Chutčej za ŭsio, havorka idzie pra terytoryju na skryžavańni vulic Kižavatava i Žaresa Ałfiorava.
«Zaraz prapracoŭvajecca pytańnie pa zakazčyku. Potym pačnucca inšyja vidy rabot», — zapeŭniŭ Tamilčyk.
I paśla hetaha budzie pryniata aficyjnaje rašeńnie pa stvareńni parku.