Napiaredadni vialikich vychadnych staŭ kiepska pracavać sajt Biełaruskaj čyhunki
U apošnija dni značna ŭskładniłasia kupla kvitkoŭ na sajcie Biełaruskaj čyhunki. Pra heta śviedčać paviedamleńni hramadzian i abmierkavańni ŭ čatach, zaŭvažyŭ «Pozirk».
Minski čyhunačny vakzał. Fota ilustracyjnaje
Dla pravierki najaŭnaści kvitkoŭ u Rasiju pasažyram davodziłasia karystacca sajtam Rasijskich čyhunak.
Z-za prablem na sajcie ŭzrosła nahruzka na biletnyja kassy, asabliva pierad doŭhimi vychadnymi (3—6 lipienia).
U adnym z čataŭ biełarusy papiaredžvajuć, što kali vy płanujecie nabyvać kvitki ŭ kasach na mižnarodnyja ci mižharodnija rejsy, lepš ad hetaha admovicca — tam vialikija čerhi, treba stajać u niekalkich čerhach adnačasova.
Biełaruskaja čyhunka paćvierdziła prablemu ranicaj 2 lipienia i apublikavała abviestku na svaim sajcie, dzie paviedamiła, što z-za techničnych niepaładak pieryjadyčna niedastupna atrymlivać raskład ruchu ciahnikoŭ.
Tam prynosiać prabačeńni za časovyja niazručnaści i rajać źviartacca ŭ kasy dla kupli i viartańnia kvitkoŭ abo karystacca terminałami samaabsłuhoŭvańnia dla pajezdak ź niepaznačanymi miescami.
Čytajcie taksama:
Na lipieńskija vialikija vychodnyja dadaduć niekalki ciahnikoŭ
U lipieni buduć istotnyja źmieny ŭ maršrutach niekatorych ciahnikoŭ