Maskva aficyjna pryznała Isłamski Emirat Afhanistan
Ab jaho stvareńni ŭ 2021 hodzie znoŭ abvieściła hrupiroŭka «Taliban».
«Taliban» u Afhanistanie. Fota: AR
Rasija aficyjna pryznała isłamski emirat Afhanistan, zajaviŭ «RIA Naviny» śpiecpradstaŭnik Pucina pa Afhanistanie Zamir Kabułaŭ.
U krasaviku Viarchoŭny sud Rasii vyklučyŭ ruch «Taliban» ź pieraliku terarystyčnych arhanizacyj.
Isłamski Emirat Afhanistan byŭ zasnavany jašče ŭ 1996 hodzie, kali taliby zachapili ŭładu ŭ krainie ŭ vyniku hramadzianskaj vajny, jakaja pačałasia ŭ 1992 hodzie.
U 2001 hodzie praŭleńnie «Talibana» było źvierhnuta ŭ vyniku abvinavačvańniaŭ u supracoŭnictvie z terarystyčnaj hrupoŭkaj Al-Kaida, čyje členy ŭ toj čas chavalisia na terytoryi krainy.
U 2021 hodzie «Taliban» znoŭ zachapiŭ uładu ŭ Afhanistanie i abviaściŭ ab adnaŭleńni Emirata.