U Hruzii 21-hadovamu studentu prysudzili 5 hadoŭ pazbaŭleńnia voli pa spravie ab napadzie na palicejskaha
Studenta abvinavacili ŭ tym, što padčas pratestaŭ častka zarada jaho piratechniki trapiła ŭ nahu siłaviku, paviedamlaje «Echo Kavkaza».
Hieorhi Mindadze. Fota: interpressnews.ge
Sud paličyŭ 21-hadovaha Hieorhija Mindadze vinavatym u napadzie na palicejskaha (artykuł 353 KK Hruzii).
Pa viersii śledstva, padčas pratestaŭ u Tbilisi 29 listapada 2024 hoda Mindadze vykarystoŭvaŭ piratechniku. Častka zaraz ź jaje trapiła ŭ nahu siłaviku.
Abvinavačvańnie vykarystoŭvała fatahrafiju, na jakoj Mindadze trymaje piratechniku ŭ rukach, a taksama pakazańni paciarpiełaha palicejskaha Šmahi Džačvadze. Toj zajaviŭ, što ad reštkaŭ piratechničnaha zarada jon atrymaŭ apiok.
Pierad ahučvańniem pryhavora ŭ sudzie adbyłasia sutyčka pamiž tymi, chto pryjšoŭ pahladzieć praces, i sudovymi prystavami. Adnoj žančynie spatrebiłasia miedycynskaja dapamoha, jašče adnaho mužčynu haśpitalizavali.