Prajšli vobšuki ŭ byłoha ministra abarony Ukrainy Reźnikava
Imavierna, śledčyja dziejańni źviazanyja sa spravaj ab zakupkach praduktaŭ dla USU pa zavyšanych cenach.
Fota: Sebastian Gollnow / Pool Photo via AP
Ukrainskaje vydańnie ZN.UA paviedamiła, što 3 lipienia Nacyjanalnaje antykarupcyjnaje biuro Ukrainy praviało vobšuki ŭ eks-ministra abarony Alaksieja Reźnikava. Detektyvy kanfiskavali «nieŭličany» telefon i šerah dakumientaŭ.
Ź listapada 2021 pa vierasień 2023 hoda Reźnikaŭ zajmaŭ pasadu kiraŭnika Ministerstva abarony Ukrainy. Padčas jaho kiravańnia ŭ viedamstvie vyjavili kradziež bolš za 733 miljonaŭ hryŭniaŭ (zvyš $18 młn) na zakupkach praduktaŭ dla USU, a taksama zamach na rastratu jašče takoj ža sumy.
U vyniku pasady stracili niekalki namieśnikaŭ ministra, ale sam Reźnikaŭ pa hetaj spravie nie prachodziŭ u jakaści padazravanaha.
Mierkavana, ciapierašnija vobšuki źviazanyja z karupcyjnaj spravaj ab zakupkach praduktaŭ dla USU pa zavyšanych cenach. Aficyjnaj infarmacyi pakul nie było.