Minskaja školnica pačała raspaŭsiudžvać narkotyki 1 vieraśnia, a ŭžo na zaŭtra jaje aryštavali
Maleńkaja zakładčyca atrymała 8 hadoŭ źniavoleńnia.
Sudździa Centralnaha rajona Minska Taćciana Sierhijenka raskazała «Minsk-Navinam» pra adnu z kryminalnych spraŭ za raspaŭsiud narkotykaŭ, prysud pa jakoj byŭ vyniesieny ŭ 2025 hodzie.
«16-hadovaja školnica vyrašyła prademanstravać svaju finansavuju niezaležnaść i stała zakładčycaj pa prapanovie administratara narkamarkieta, jaki paabiacaŭ joj zarobak kala 50 dalaraŭ na dzień. Dziaŭčyna vysłała nieznajomcu svaje asabistyja dadzienyja i fota. Dalej pa ŭkazańni kuratara 1 vieraśnia 2024 hoda jana zabrała bujnuju partyju psichatropu, rasfasavała jaho na nie mienš jak 38 doz i raskłała pa tajnikach. Častku zabaronienaha rečyva, jakuju nie paśpieła rasfasavać, zachoŭvała pa miescy žycharstva. Na nastupny dzień jaho vyjavili i kanfiskavali supracoŭniki narkakantrolu».
Papracavać zakładčycaj školnica paśpieła ŭsiaho dva dni. U vyniku jana była pryznana vinavataj u niezakonnych nabyćci, pieravozcy i zachoŭvańni narkotykaŭ u bujnym pamiery ŭ składzie arhanizavanaj hrupy. Na padstavie č. 4 art. 328 KK joj prysudzili 8 hadoŭ pazbaŭleńnia voli.
Chutčej za ŭsio, termin dziaŭčyny skaraciŭsia na hod paśla sioletniaj amnistyi.