Dapamohu vyzvalenamu bijołahu Siarhieju Šelehu sabrali za pałovu dnia
Zbor praciahvajecca.
64-hadovy bijołah Siarhiej Šeleh pravioŭ za kratami amal dva hady i byŭ vyzvaleny paśla vizitu ŭ Minsk śpiecpradstaŭnika prezidenta ZŠA Kita Kiełaha.
Čytajcie:Viarnuŭsia ź Litvy — i byŭ aryštavany za danaty. Hety bijołah raniej daśledavaŭ lejkozy — jaho fiłasofija natchniaje
4 lipienia «Bajsoł» arhanizavaŭ zbor dla Šeleha — było zapytana 3200 jeŭra.
«Kali mianie vyzvalili, ja vyjšaŭ nie ŭ raniejšaje žyćcio, a ŭ nikudy. Zastałasia tolki tryvoha, jakaja nie adpuskaje navat unačy. U mianie niama samaha prostaha: narmalnaj kurtki, zručnaha abutku, miesca, dzie možna začynicca i prosta krychu pryjści ŭ siabie.
Niama navat narmalnaha telefona, na jaki možna pastavić pracoŭnyja prahramy ci padać zajaŭku na dapamohu. I ja prašu vas pra samaje bazavaje», — havaryłasia na staroncy zboru.
Za pałovu dnia patrebnaja suma była sabrana całkam. Na rachunku ŭžo 3340 jeŭra, adnak zbor praciahvajecca.