Ci možna sa svajoj ježaj u kino — jurystka patłumačyła na kankretnym prykładzie
Historyju žančyny, jakaja adstajała svaje pravy i ŭcierła nos administracyi kinateatra, raskazvaje Tochka.by.
Fota: shutterstock.com
Ci pavinny puskać u kinazału sa svajoj ježaj? Jurystka Nastaśsia Tašłyk pastaviła kropku ŭ hetym pytańni ŭ svaim TikTok.
Jana raskazała historyju biełaruski, jakaja kupiła čatyrom dzieciam bilety ŭ kino. Pierad tym jak iści na sieans, jany ŭziali ŭ kramie čypsy i napoi.
Užo ŭ pradčuvańni jany nakiravalisia ŭ zału, ale rabotniki kinateatra ich tudy nie puścili. Spasłalisia na toje, što dyrektar ustanovy zabaraniŭ pranosić kuplenuju nie ŭ kinateatry ježu z saboj na sieansy.
Hetaja historyja aburyła žančynu, i jana źviarnułasia ŭ sud nakont abarony pravoŭ spažyŭca i paprasiła spahnać maralnuju škodu ŭ pamiery 2000 rubloŭ.
Sud staŭ na jaje bok i abaviazaŭ kinateatr vypłacić žančynie kampiensacyju. Praŭda, pamier jaje staŭ mienšy ŭ 20 razoŭ, i iścica atrymała tolki 100 rubloŭ.
Ale fakt zastajecca faktam: akazałasia, dyrekcyja kinateatra nie maje racyi.
Čamu tak vyjšła
Juryst rastłumačyła, što jość pastanova Savieta ministraŭ №684 ad 25 maja 2007 hoda.
«Dyk voś, jość vyčarpalny pieralik padstaŭ, pa jakich vas nie puściać u kinateatr, — rastłumačyła śpiecyjalist. — Najaŭnaść praduktaŭ charčavańnia, nabytych za miežami kinateatra, da takich padstaŭ nie adnosicca».