Pry pažary ŭ łahiery pad Maładziečnam usio ž jość paciarpiełyja
MNS apublikavała abnoŭlenuju infarmacyju, datyčnuju ŭzharańnia ŭ dziciačym azdaraŭlenčym łahiery ŭ Maładziečanskim rajonie. Raniej paviedamlałasia, što paciarpiełych niama, ale akazałasia, što heta nie zusim tak.
Skrynšot ź videa
Zhodna z abnoŭlenymi źviestkami, pry samastojnym tušeńni ŭzharańnia paciarpieli try čałavieki ź liku piersanału ŭstanovy, jakija paśla ahladu daktarami špitalizavanyja z papiarednim dyjahnazam «atručeńnie praduktami hareńnia».
Paśla hukavoha apaviaščeńnia pra ŭzharańnie rabotnikami łahiera byli evakujavanyja 132 čałavieki, ź ich 120 dziaciej. Uzharańnie adbyłosia ŭ spalnym korpusie.