Kursanty Razanskaha vučylišča pavietrana-desantnych vojsk zabili svajho siaržanta, paškodziŭšy jaho parašut
Kursanty Razanskaha vyšejšaha vučylišča pavietrana-desantnych vojskaŭ imia hienierała V.P. Marhiełava zabili svajho kamandzira, źviazaŭšy stropy jaho parašuta. U vyniku jon raźbiŭsia, piša VČK-OHPU.
Siaržant Sielin I.A., jaki zahinuŭ padčas vučebnych skačkoŭ
3 červienia 2025 hoda padčas vučebnych skačkoŭ zahinuŭ namieśnik kamandzira ŭzvoda Razanskaha vučylišča siaržant Sielin I.A. Było ŭstanoŭlena, što pučki strop asnoŭnaha i zapasnoha parašutaŭ byli kimści źviazanyja adrezkami viaroŭki ad hruzavoha parašuta takim čynam, kab nie dać kupałam parašutaŭ raskrycca.
Praz dva dni ŭ złačynstvie raptoŭna pryznaŭsia i ŭziaŭ usiu vinu na siabie kursant Kazancaŭ I.V.
Jak havoracca ŭ pastanovie pra zaviadzieńnie kryminalnaj spravy, padčas słužby Sielin, «karystajučysia słužbovym stanoviščam, sistematyčna prynižaŭ inšych kursantaŭ, u tym liku Kazancava. Vykarystoŭvaŭ niecenzurnuju łajanku, fizičny i psichałahičny cisk, u tym liku suprać tych, chto nie vykonvaŭ jahonych asabistych ukazańniaŭ. Kazancaŭ nieadnarazova sutykaŭsia z takimi dziejańniami z boku Sielina. Jon pryniaŭ rašeńnie adpomścić, «učyniŭšy śmierć Sielinu».
Adnak, padobna, jon byŭ tolki vykanaŭcam (na parašucie byli vyjaŭleny ślady i inšych DNK, ale ich nie ŭdałosia identyfikavać), a dapamohu ŭ arhanizacyi zabojstva jamu mahli akazvać jahonyja sasłužyŭcy na čale z praparščykam Sielaźniovym V.D.
Było ŭstanoŭlena, što ŭsie jany byli niezadavolenyja vajskovaj słužbaj pad novym kamandavańniem siaržanta Sielina. Sielaźnioŭ niezadoŭha da trahiedyi byŭ źniaty z pasady namieśnika kamandzira ŭzvoda pa inicyjatyvie Sielina, što mahło stać pryčynaj kanfliktu.
Śviedki śćviardžajuć, što akramia zabojstva siaržanta Sielina anałahičnym čynam «na zaboj» byli vyviedzienyja z ładu niekalki parašutaŭ kamandzira roty dadzienych kursantaŭ, ale pa źbiehu abstavin jon u toj dzień nie skakaŭ.
Pavodle słoŭ krynicy VČK-OHPU, hety fakt zamachu na zabojstva kamandzira roty byŭ utojeny słužbovymi asobami vučylišča na čale z pałkoŭnikam Aleham Panamarovym.
A baćkam kursanta Sielaźniova źjaŭlajecca vysokapastaŭleny aficer u zvańni hienierała, piša kanał.
U vyniku śledstva ź ciažkaściu i pad vialikim ciskam spyniłasia na viersii, što radavy Kazancaŭ adzin pryniaŭ rašeńnie ab zabojstvie svajho kamandzira Sielina (udzielnika vajny va Ukrainie) z-za asabistych niepryjaznych adnosin, a taksama z metaj abarony inšych kursantaŭ, z amaralnymi pavodzinami i niedyscyplinavanaściu jakich niepasredna zmahaŭsia siaržant Sielin, piša vydańnie.