Zdareńnie na feście ŭ Budsłavie: padčas nabaženstva ŭpaŭ dron — cudam nichto nie paciarpieŭ
Pra zdareńnie na feście ŭ katalickim Nacyjanalnym sanktuaryi ŭ Budsłavie, dzie 4-5 lipienia prajšła masavaja ŭračystaść, raspaviali pilihrymy.
Uviečary ŭ piatnicu, padčas nabaženstva Kryžovaha šlachu na vulicy pierad chramam, pobač ź ludźmi zvaliŭsia vialiki kvadrakoptar, piša katolik.life.
Dron upaŭ u toje miesca, jakoje było pa chodzie ruchu šeścia. Ale heta adbyłosia ŭ momant, kali ŭdzielniki nabaženstva zrabili prypynak dla razvažańnia — tamu bieśpiłotnik cudam nikoha nie začapiŭ.
«Kali b ludzi nie spynilisia, dron moh by surjozna paranić niekalki čałaviek. Jon byŭ vielizarny, čorny. Pavaliŭsia z vyšyni ŭ pary mietraŭ ad ludziej i raźbiŭsia», — raspavioŭ vidavočca.
Vierahodna, heta byŭ prafiesijny aparat, ź jakoha vioŭ zdymki adzin ź dziaržaŭnych telekanałaŭ.