Prezident Hiermanii sustreŭsia ź Cichanoŭskimi i zaklikaŭ vyzvalić palitviaźniaŭ u Biełarusi
Prezident Hiermanii Frank-Valter Štajnmajer sustreŭsia sa Śviatłanaj Cichanoŭskaj i Siarhiejem Cichanoŭskim u Vilni. Pra hety ŭ tvitary paviedamiła jaho pres-słužba.
Fota: BPrSprecherin / Ch
Padčas svajho vizitu ŭ Vilniu, prezident Hiermanii Frank-Valter Štajnmajer i jaho žonka Elkie Biudenbiender sustrelisia sa Śviatłanaj Cichanoŭskaj i jaje mužam Siarhiejem, jaki niadaŭna byŭ vyzvaleny z turmy.
«My hłyboka ŭražanyja vašaj asabistaj mužnaściu ŭ baraćbie za demakratyju ŭ Biełarusi. Usie palitviaźni pavinny być vyzvaleny!» — napisała pres-słužba prezidenta Hiermanii.
Cichanoŭskaja vykazała padziaku prezidentu Štajnmajeru i narodu Hiermanii za padtrymku i salidarnaść ź biełaruskim narodam u jaho imknieńni da svabody i demakratyi.
«Dziakuj, prezident Frank-Valter Štajnmajer i Elkie Biudenbiender, za sustreču z nami ŭ Vilni i zaklik da vyzvaleńnia ŭsich palitviaźniaŭ u Biełarusi. My hłyboka ŭdziačnyja Hiermanii za padtrymku i salidarnaść ź biełaruskim narodam», — napisała jana ŭ adkaz.