U Mazyry žančynu zatrymali na vychadzie z ankadyspansiera
25 červienia zatrymali pacyjentku ankałahičnaha dyspansiera ŭ Mazyry Irynu Levinu.
Na vychadzie z dyspansiera žančynu zatrymali niekalki čałaviek u poŭnaj ekipiroŭcy i z dručkami. Na vačach pacyjentaŭ i miedpiersanała ankadyspansiera jaje źmiaścili ŭ mikraaŭtobus, paviedamlaje «Homielskaja viasna».
Viadoma, što žančyna prachodzić chimijaterapiju. Na 30 červienia joj pryznačali čarhovuju praceduru chimijaterapii. Žančyna maje małaletniaje dzicia.
Jak udałosia vyśvietlić pravaabaroncam, Irynu zatrymali ŭ suviazi ź niejkaj palityčna matyvavanaj spravaj. Vierahodna, zatrymańnie ažyćciaŭlali supracoŭniki HUBAZiKa. Sutnaść abvinavačvańniaŭ pakul nieviadomaja. Pavodle apošniaj infarmacyi, žančynu źmiaścili ŭ SIZA ŭ Homieli.