Tramp paabiacaŭ Zialenskamu nieadkładna adpravić Ukrainie rakiety-pierachopniki dla Patriot
Prezident ZŠA padčas telefonnaj razmovy z ukrainskim lidaram Uładzimiram Zialenskim paabiacaŭ nieadkładna pieradać Kijevu 10 rakiet-pierachopnikaŭ dla Patriot, paviedamili Axios daśviedčanyja krynicy.
Fota Czarek Sokołowski / AP
Pavodle ich słoŭ, kolkaść abiacanych rakiet akazałasia mienšaj, čym u prypynienaj pastaŭcy naprykancy červienia. Adnak Tramp zajaviŭ pra hatoŭnaść dapamahčy Kijevu ŭ pošuku inšych krynic rakiet.
Taksama pierad zvankom Zialenskamu kiraŭnik Biełaha doma parazmaŭlaŭ z kancleram FRH Frydrycham Miercam, jaki paprasiŭ «razmarozić» pieradaču rakiet-pierachopnikaŭ Kijevu i zajaviŭ pra hatoŭnaść zakupić u ZŠA dadatkovyja batarei Patriot dla Ukrainy. Baki nie dasiahnuli kankretnaj damoŭlenaści, ale abmierkavańnie hetaha pytańnia praciahvajecca, adznačyli surazmoŭcy Axios.
Paśla hetaha Tramp, vystupajučy pierad žurnalistami ŭ Biełym domie, zajaviŭ, što ZŠA pastaviać bolš zbroi Ukrainie. «Jany pavinny mieć mahčymaść abaraniać siabie. Jany zaraz atrymlivajuć vielmi mocnyja ŭdary», — padkreśliŭ Tramp.