U Italii znajšli cieła 18-hadovaj ukrainskaj studentki. U dzień śmierci joj admovili ŭ praciahu stažyroŭki
Maryja Buhajova pracavała pa abmienie ŭ turystyčnym pasiołku.
Maryja Buhajova
U italjanskim rehijonie Apulija znajšli cieła 18-hadovaj ukrainskaj studentki Maryi Buhajovaj, jakaja źnikła niekalki dzion tamu.
Jak paviedamlaje La Stampa, ukrainka znachodziłasia ŭ turystyčnym pasiołku paŭdniovaha italjanskaha rehijonu Apulija ŭ ramkach jeŭrapiejskaha prajekta z Bracisłaŭskim univiersitetam.
Apošni raz dziaŭčynu bačyli 4 lipienia. U jaje haściničnym numary znajšli telefon, pašpart i listok ź niekalkimi mabilnymi numarami. Niezadoŭha da źniknieńnia jana pieraličyła peŭnuju sumu hrošaj bratu.
Spačatku italjanskija pravaachoŭniki ličyli, što Buhajova sama vyrašyła źbiehčy, bo pierad źniknieńniem daviedałasia, što jaje stažyroŭka ŭ Italii skončycca 6 lipienia biez mahčymaści padaŭžeńnia — u toj čas jak mnohija inšyja studenty zastavalisia da vieraśnia.
Ukrainku taksama zaŭvažyli na kamierach videanazirańnia niedaloka ad miesca stažyroŭki. Na ich było vidać, što Buhajova nakiroŭvajecca na plaž, a zatym jaje ślady źnikli.
U aŭtorak stała viadoma, što 18-hadovuju dziaŭčynu znajšli paviešanaj u kiłamietry ad turystyčnaha pasiołka, dzie jana stažyravałasia. Prykmietaŭ hvałtu niama.