Kala miažy ź Litvoj znoŭ zatrymali biełarusaŭ z aerastatam

9 lipienia pamiežniki zatrymali dvuch žycharoŭ Biełarusi ŭ vioscy Plabaniški Hrodzienskaa rajona, pobač ź litoŭskaj miažoj. U mužčyn byli z saboj pavietrany šar i 22 hazavyja bałony, a pieramiaščalisia jany na aŭtamabili z pryčepam.

Skrynšot ź videa

Na videa, jakoje apublikavali pamiežniki, vidać, što da šara byŭ prymacavany niejki hruz. Zvyčajna padobnyja aparaty vykarystoŭvajucca dla kantrabandy praź miažu cyharet.

Heta ŭžo druhi padobny vypadak za sutki. U dačynieńni da mužčyn raspačali administracyjnuju spravu za parušeńnie pravił znachodžańnia ŭ pamiežnaj zonie. Im pahražaje štraf da 50 bazavych vieličyń (prykładna 2100 rubloŭ).

Kamientary da artykuła