Čarha na polskaj miažy kančatkova rassmaktałasia
Na stanie na 08:00 na pierachodzie «Brest» čarhi ź lehkavych aŭtamabilaŭ niama, stajać čatyry aŭtobusy, paviedamlaje Pamiežny kamitet,
Archiŭnaje fota
Vialikaja čarha tam uźnikła miesiac tamu, 3 červienia, kali kolkaść mašyn pieravysiła 1000, a časam dachodziła da 2400. Tolki apošnija dni jana stała źmianšacca. Učora ŭ hety čas było 446 lehkavikoŭ.
Na łatvijskaj miažy čerhaŭ niama.
Na litoŭskaj miažy ŭ «Bieniakoniach» taksama niama, a ŭ «Kamiennym Łohu» stajać 50 lehkavych mašyn i čatyry aŭtobusy.
Telehram-kanał «Minsktrans. Mižnarodnyja maršruty» paviedamiŭ u 07:15, što aŭtobus Vilnia — Minsk, jaki mieŭsia adpravicca sa stalicy Litvy ŭ 08:00, stajaŭ jašče na biełaruskaj terytoryi ŭ bok litoŭskaj miažy.