Kurs bitkojna abnaviŭ histaryčny rekord
Na biržy Binance bitkojn unačy ŭpieršyniu padniaŭsia amal da 112 tysiač dalaraŭ. Na biržy Coinbase jon pieraadoleŭ hetuju adznaku.
Fota: vecteezy.com
Papiaredni rekord byŭ 22 maja — tady bitkojn dasiahnuŭ 111 tysiač dalaraŭ.
Bitkojn imkliva ros paśla pieramohi Trampa na prezidenckich vybarach u pačatku listapada, da siaredziny studzienia jon vyras z 67 tysiač da 109 tysiač dalaraŭ.
Potym pačałosia źnižeńnie, i 26 lutaha bitkojn kaštavaŭ nižej za 85 tysiač, potym znoŭ pačaŭsia rost.
U pačatku krasavika kurs bitkojna apuskaŭsia nižej za 75 tys. dołaraŭ z-za abvieščanaj Trampam handlovaj vajny, ale paźniej na fonie pasłableńniaŭ ad prezidenta ZŠA ŭ pytańni handlovych pošlin znoŭ pačaŭ raści.