Aryna Sabalenka nie prajšła ŭ finał Uimbłdona
Pieršy numar suśvietnaha tenisnaha rejtynhu biełaruska Aryna Sabalenka spyniła vystupleńnie na Uimbłdonie-2025 na stadyi paŭfinału.
Aryna Sabalenka. Fota: Julian Finney/Getty Images
U napružanym trochsetavym matčy Sabalenka prajhrała amierykancy Amandzie Anisimavaj (12-ja siejanaja na turniry) ź likam 4:6, 6:4, 4:6. Sustreča doŭžyłasia 2 hadziny 37 chvilin.
Anisimova znoŭ paćvierdziła, što źjaŭlajecca vielmi niazručnaj supiernicaj dla Sabalenki: ciapier u ich asabistym supraćstajańni Anisimava viadzie ź likam 6:3.
U finale amierykanka zhulaje ź pieramožcaj druhoha paŭfinału, dzie sustrenucca Iha Śviontak z Polščy (№4) i Bielinda Bienčyč sa Šviejcaryi (№35).
Uimbłdonski turnir 2025 hoda prachodzić z 30 červienia pa 13 lipienia na kortach znakamitaha Usieanhlijskaha kłuba łaŭn-tenisa i krakieta.
Čytajcie taksama:
Sabalenka vyjšła ŭ paŭfinał Uimbłdona, ledź nie asaromiŭšysia ŭ matčy sa 104-j rakietkaj śvietu
Sabalenka stanie druhoj u historyi tenisistkaj, jakaja nabrała bolš za 12 000 rejtynhavych bałaŭ