U Homieli źjaviŭsia skvier Milicyi. Haradžan nie pytalisia navat farmalna
U Homieli źjaviŭsia novy skvier, jaki nazvali skvieram Milicyi, pryčym biez papiaredniaha hramadskaha abmierkavańnia, piša «Fłahštok».
Fota: «Homielskije viedomosti»
Žychary horada daviedalisia pra heta ŭžo pastfaktum, kali ŭ haradskoj presie paviedamili, što na vulicy Hałavackaha pačałosia ŭparadkavańnie skviera z adpaviednaj nazvaj.
Pry hetym jašče 8 lipienia hazieta «SB. Biełaruś siehodnia» pisała, što razhladajucca dva prajekty — skviery Enierhietykaŭ i Milicyi. Ale ŭžo ŭ toj ža dzień miascovyja ŭłady paviedamili, što «skvier Milicyi» na Hałavackaha — heta ŭžo vyrašany fakt. Hramadskaha abmierkavańnia, jak heta było, naprykład, u 2024 hodzie pry nadańni nazvy «skvier Ratavalnikaŭ», nie pravodziłasia.
Na hetym miescy raniej była tak zvanaja «aleja milicyi», adkrytaja ŭ 2024 hodzie kala novaha budynka RAUS. Tady tam pasadzili 50 čyrvonych klonaŭ i pastavili pamiatny znak — taksama biez udziełu hramadskaści.
Fota: «Homielskije viedomosti»
Ciapier na pustcy prakładajuć piešachodnuju ściežku, układajuć plitku, abiacajuć dadać drevy i pastavić łaŭki.
Čytajcie taksama:
U Homieli pastavili pamiatny znak pravasłaŭnamu archijepiskapu
BPC asłupavała skvier u histaryčnym centry Homiela
U Homieli skulpturu Huliviera zamieniać na skulpturu ratavalnika