Tramp pachvaliŭ prezidenta Libieryi za anhlijskuju, ale tam heta mova aficyjnaja
Padčas sustrečy ź lidarami afrykanskich krain prezident ZŠA pachvaliŭ prezidenta Libieryi Džozefa Baakaja za «dobruju anhlijskuju movu» i spytaŭ jaho, dzie jon navučyŭsia tak dobra na joj razmaŭlać, piša Bi-bi-si.
Fota: Alex Brandon / AP
«Takaja dobraja anhlijskaja mova, — z prykmietnym ździŭleńniem skazaŭ Tramp. — Takaja pryhožaja anhlijskaja mova».
«Dzie vy navučylisia razmaŭlać tak pryhoža? Dzie vy atrymali adukacyju? Dzie? U Libieryi? — praciahvaŭ prezident ZŠA. — Vielmi cikava. Heta cudoŭnaja anhlijskaja mova. U mianie za hetym stałom siadziać ludzi, jakija i blizka nie mohuć tak dobra havaryć».
Donald Tramp moh nie viedać, što ŭ Libieryi z ZŠA asablivyja suviazi i adnosiny, historyja jakich ciahniecca z časoŭ zasnavańnia hetaj krainy ŭ Zachodniaj Afrycy.
Anhlijskaja — aficyjnaja mova ŭ Libieryi, i mnohija žychary krainy razmaŭlajuć na joj z amierykanskim akcentam — dajuć pra siabie viedać histaryčnyja suviazi z ZŠA.
Mahčyma, uvahu Trampa pryciahnuŭ mienavita akcent prezidenta Libieryi.