SŠ №4 na Čyrvonaarmiejskaj u Minsku płanujuć adkryć paśla rekanstrukcyi da Dnia viedaŭ
Adkryć paśla rekanstrukcyi siaredniuju škołu №4 na vuł. Čyrvonaarmiejskaj płanujecca da 1 vieraśnia. Pra heta Minsk-navinam raspaviali ŭ administracyi Leninskaha rajona.
Fota: Minsk-naviny
Śpiecyjalisty zajmalisia azdableńniem fasadu histaryčnaj častki budynka, u tym liku tynkovymi rabotami, uładkavańniem dvuchschilnaha dachu, a taksama ŭmacoŭvali akonnyja prajomy i ŭstaŭlali vokny.
Darečy, u histaryčnaj častcy budynka ŭstalavali sučasnyja draŭlanyja vokny, što adpaviadajuć stylistycy fasadu, a ŭ prybudavanym bolš novym korpusie — jany z PVCH-profilu.
U hetym budynku była praviedziena ciepłavaja madernizacyja i tynkavańnie. Taksama budaŭniki vykanali ŭnutranyja azdobnyja pracy: tynkovyja, malarnyja, kładku plitki, mantaž dźviarej i akustyčnych sistem u muzyčnaj haścinaj, santechničnuju i elektratechničnuju razvodku.