U Babrujskim rajonie adšukali dva dvuchsothadovyja duby-vołaty
Dendrachranałahičny analiz dazvoliŭ unieści ich u śpis unikalnych abjektaŭ raślinnaha śvietu Biełarusi.
Abmier stvała adnaho z duboŭ. Fota: telehram-kanał Instytuta ekśpierymientalnaj bataniki NAN Biełarusi
Padrabiaznaje daśledavańnie dvuch mahutnych duboŭ, što raśli ŭ Hłušanskim laśnictvie, praviali śpiecyjalisty Łabaratoryi aptymizacyi i manitorynhu ekasistem Instytuta ekśpierymientalnaj bataniki NAN Biełarusi, pra heta paviedamiŭ aficyjny telehram-kanał ustanovy.
Dziakujučy mietadu dendrachranałahičnaha analizu — vyznačeńniu ŭzrostu dreva pa hadavych kolcach — navukoŭcy vyznačyli: kožnamu z duboŭ 195 hadoŭ.
Z ulikam vializnych pamieraŭ i paćvierdžanaha ŭzrostu, duby byli ŭniesieny ŭ nacyjanalnuju bazu danych «Redkija i ŭnikalnyja abjekty raślinnaha śvietu na terytoryi Respubliki Biełaruś». Heta pieršyja drevy ŭ rajonie, jakija aficyjna ŭklučany ŭ hety prestyžny śpis.
Adzin z duboŭ-vołataŭ u Babrujskim rajonie. Fota: telehram-kanał Instytuta ekśpierymientalnaj bataniki NAN Biełarusi