Kudy addać sioleta svaich dziaciej, kab jany vučylisia pa-biełarusku
Sabrali śpis škoł u bujnych haradach, dzie navučańnie na biełaruskaj movie ŭsio jašče mahčymaje.
Ilustracyjny zdymak. Fota: «Naša Niva»
U 2025/2026 navučalnym hodzie amal u kožnym abłasnym centry i niekatorych inšych bujnych haradach Biełarusi jość mahčymaść addać svaich dziaciej u biełaruskamoŭnuju škołu ci prynamsi biełaruskamoŭny kłas abo hrupu.
Daviedacca pra płany papiaredniaha kamplektavańnia kłasa abo hrup ź biełaruskaj movaj navučańnia ŭ navučalnych ustanovach davoli składana — časta na ich sajtach prosta niama nijakaj infarmacyi, choć płany jość na papiery.
Kamplektavańnie hrup zahadčyki i dyrektary navučalnych ustanoŭ robiać pa zajaŭkach baćkoŭ, tamu treba zahadzia vyrašać pytańnie zapisu ŭ sadok ci škołu.
Minsk
Biełaruskamoŭnaja himnazija №4 u Kuncaŭščynie. Fota: Jandeks Karty
Himnazija №4 (vulica Kuncaŭščyna, 18). Adna z samych vialikich ustanoŭ adukacyi stalicy, dzie ŭvieś navučalny praces prachodzić na biełaruskaj movie.
Telefon: +375 17 248-66-18; mejł: gymn4@minskedu.gov.by
Himnazija №9 imia D. M. Mankieviča (vulica Siadych, 10).
Sioleta nabirajuć dva biełaruskamoŭnyja 1-ja kłasy. U himnazii z 1 kłasa taksama vyvučajuć anhlijskuju i kitajskuju movy (pa vybary), z 2 kłasa možna vyvučać polskuju jak druhuju zamiežnuju movu. Pravodziacca zaniatki pa muzycy: fartepijana, bajan, akardeon, cymbały.
Telefon: +375 17 243-04-21; mejł: gymn9@minskedu.gov.by
Himnazija №14 (vulica Vaśniacova, 10).
Vyvučeńnie anhlijskaj movy na bazavym uzroŭni z 3-ha kłasa. U himnazii jość ułasny spartkompleks z basiejnam. Sioleta płanujuć nabrać u try pieršyja kłasy ź biełaruskaj movaj navučańnia 78 vučniaŭ.
Telefon: +375 17 395-21-37; mejł: gymn14@minsk.edu.by
Himnazija №23 (praśpiekt Niezaležnaści, 45).
U himnazii ź biełaruskaj movaj navučańnia z 1 kłasa taksama vyvučajuć anhlijskuju i kitajskuju movy (pa vybary). Sioleta płanujuć nabrać dva pieršyja kłasy, u jakich budzie vučycca 50 vučniaŭ.
Telefon: +375 17 354-47-62; mejł: gymn23@minskedu.gov.by
Himnazija №28 imia Uładzimira Karatkieviča (praśpiekt Rakasoŭskaha, 93).
Pahłyblena vyvučajecca francuzskaja mova, jość mahčymaść vyvučać anhlijskuju.
Telefon: +375 17 235-14-78; mejł: gymn28@minsk.edu.by
Siaredniaja škoła №11 u Minsku. Fota: Jandeks Karty
Siaredniaja škoła №11 imia Žumaša Asanalijeva (vulica Asanalijeva, 14).
Telefon: +375 44 732-01-36; mejł: sch11@minskedu.gov.by
Siaredniaja škoła №60 (vulica Libkniechta, 82).
Škoła maje ahulnaestetyčny kirunak z muzyčnym uchiłam.
Telefon: +375 17 338-69-74; mejł: sch60@minsk.edu.by
Siaredniaja škoła №72 imia U. B. Arciomava (vulica Chałmahorskaja, 59). Sajt škoły na momant napisańnia artykuła niedasiažny.
Telefon: +375 17 347-48-83; mejł: sch72@minskedu.gov.by
Siaredniaja škoła № 190 (vulica Nikifarava, 19).
Telefon: +375 17 342-24-91; mejł: sch190@minskedu.gov.by
Pačatkovaja škoła № 112 (vulica Ubareviča, 142).
Z 3-ha kłasa vyvučajecca anhlijskaja mova.
Telefon: +375 17 361-87-32; mejł: sch112@minskedu.gov.by
Hrupy ź biełaruskaj movaj navučańnia ŭ 2025/2026 navučalnym hodzie płanujecca sfarmiravać u dziciačych sadkach kožnaha rajona Minska. Dadatkovuju infarmacyju vy možacie atrymać va ŭpraŭleńni pa adukacyi administracyj rajonaŭ horada.
Asipovičy
Himnazija h. Asipovičy (vulica Staškieviča, 35a). Adzinaja biełaruskamoŭnaja himnazija ŭ Mahiloŭskaj vobłaści.
U starejšych kłasach jość mahčymaść vyvučać na pavyšanym uzroŭni anhlijskuju, biełaruskuju i ruskuju movy, a taksama matematyku.
Telefon: +375 2235 58-4-31; mejł: gimnazia-osip@osipovichi.gov.by
Barysaŭ
Biełaruskamoŭnaja himnazija №2 u Barysavie. Fota: Huhł Karty
Biełaruskamoŭnaja himnazija №2 (vulica Pałka Narmandyja-Nioman, 22).
Telefon: +375 177 77-20-96, +375 177 77-20-16; mejł: gymn2@rooborisov.by
Homiel
Himnazija №36 imia I. Mieleža (vulica Bratoŭ Liziukovych, 16).
Adzinaja biełaruskamoŭnaja himnazija ŭ Homielskaj vobłaści.
Telefon: +375 232 23-13-17; mejł: gimnazia36@goroouogomel.by
Hrodna
Siaredniaja škoła №32 imia T. R. Łaryjonavaj (vulica Limoža, 11).
Telefon: +375 152 78-56-01; mejł: sch32@lengrodno.by
Siaredniaja škoła №34 (Indurskaja šaša, 14)
Telefon: +375 152 33-20-98; mejł: sch34oktroo@gmail.com
Mahiloŭ
Siaredniaja škoła №1 u Mahilovie. Fota: Wikimedia Commons
Siaredniaja škoła №1 imia T. R. Karpinskaj (vulica Pieršamajskaja, 24).
Paśla hadavoha pierapynku tut znoŭ nabirajuć 1-y kłas ź biełaruskaj movaj navučańnia.
Telefon: +375 222 24-18-64, +375 222 24-95-75; mejł: school1mogilev@lenobr.by
A voś u siaredniaj škole №34 Mahilova sioleta naboru ŭ 1-y kłas ź biełaruskaj movaj navučańnia nie budzie: hetaja škoła čarhujecca sa škołaj №1 — adzin hod nabiraje adna, druhi — inšaja škoła.
Nie ŭdałosia adšukać nijakich źviestak pra nabor biełaruskamoŭnych kłasaŭ u siaredniaj škole №16 imia P. M. Mašerava ŭ Lidzie (vulica Mašerava, 15), a taksama himnazii №3 (vulica Piśmieńnika Śmirnova, 63) i siaredniaj škole №29 (vulica Arłoŭskaja, 33) u Breście, dzie nabirali takija kłasy ŭ minułyja hady.
Heta robić Viciebsk i Brest adzinymi abłasnymi haradami Biełarusi, dzie biełaruskija dzieci nie mohuć atrymać adukacyju na biełaruskaj movie. Ale mahčyma, što miascovyja škoły prosta viaduć svaje sajty niedastatkova naležna i dajuć niapoŭnuju infarmacyju pra movu navučańnia.