Niezamacavany kantejnier zvaliŭsia na darohu i vyklikaŭ zator
U piatnicu dniom čytač Onliner.by paviedamiŭ pra zator u Minsku ŭ rajonie st. m. «Mahiloŭskaja».
Pa jaho słovach, zator byŭ źviazany z kranam, jaki pryhaniali, kab padniać kantejnier, što zvaliŭsia z fury.
— Kala 09:50 35-hadovy kiroŭca hruzavoha aŭtamabila Volvo ruchaŭsia na padjomie z praśpiekta Partyzanskaha na ŭnutranaje kalco MKAD. Padčas ruchu ŭ vyniku nienaležnaha macavańnia hruzavoha kantejniera adbyłosia jaho padzieńnie na prajeznuju častku, — prakamientavali zdareńnie ŭ DAI.
Paviedamlajecca, što ŭ DTZ nichto nie paciarpieŭ.