U Narylsku ekstremał skočyŭ z ahramieznaj skały ŭ ledzianuju vadu. Jon rabiŭ tak nieadnarazova, ale hety raz staŭ apošnim
U Narylsku na skałach «Čyrvonyja kamiani» adbyłasia trahiedyja: mužčyna zahinuŭ paśla skačka ź vialikaj vyšyni ŭ ledzianuju vadu.
Skryn videa
Pavodle śviedkaŭ, jon straciŭ prytomnaść adrazu paśla sutyknieńnia z pavierchniaj vady. Cieła zahinułaha było paźniej znojdziena i padniata vadałazami.
Hetaje miesca daŭno viadoma amataram ekstremalnych zabaŭ: tut časta pravodziacca ryzykoŭnyja skački, jakija pryciahvajuć žadajučych adrenalinu.
Zahinuły byŭ daśviedčanym u hetym zaniatku i nieadnarazova ździajśniaŭ padobnyja skački — zaŭsiody paśpiachova. Na videa, zroblenych raniej, vidać jaho ŭdałaje pryziamleńnie ŭ vadu.
Adnak apošni skačok staŭ dla jaho fatalnym. Paśla niekalkich siekund volnaha padzieńnia mužčyna z usiaje siły ŭdaryŭsia ab pavierchniu vady i zahinuŭ.