Piensijanier skraŭ mietaličny vahončyk z čužoha dačnaha ŭčastka
U Biarozaŭski RAUS źviarnuŭsia 70-hadovy mužčyna, jaki paviedamiŭ, što ź jaho dačnaha ŭčastku skrali mietaličny vahončyk koštam kala 1500 rubloŭ.
Paciarpieły patłumačyŭ, što pražyvaje ŭ horadzie, a na daču pryjazdžaje čas ad času. Padčas adnaho z takich vizitaŭ jon pabačyŭ, što jaho vahončyk źnik.
Milicyjanty vyśvietlili, što vahončyk pryjšoŭsia da spadoby 67-hadovamu žycharu Biarozy.
Mužčyna časta pryjazdžaŭ u hetyja miaściny na rybałku i zaŭvažyŭ učastak ź mietaličnym vahončykam. Padumaŭšy, što ŭčastak zakinuty, jon pryvioz padjomny kran z pracy, i ź jaho dapamohaj pieravioz vahončyk sabie.