U Minsku mužčyna rabiŭ ramont ziaciu, a budmateryjały braŭ u susiedziaŭ
U Maskoŭskaje RUUS Minska źviarnuŭsia mužčyna, jaki paviedamiŭ pra źniknieńnie ŭ jaho budaŭničych materyjałaŭ koštam kala 1 500 rubloŭ. Jon pakinuŭ ich u ahulnym kalidory, ale praź niekalki dzion jany prapali.
Vyśvietliłasia, što materyjały spadabalisia 54-hadovamu mužčynu, jaki rabiŭ ramont u kvatery svajho ziacia ŭ tym ža domie. Jon prajšoŭsia pa pavierchach i, zaŭvažyŭšy rečy biez nahladu, vyrašyŭ ich prysvoić. Na praciahu dvuch dzion jon pastupova pieraciahnuŭ usio ŭ ziacievu kvateru.
U dačynieńni da mužčyny zaviali kryminalnuju spravu za kradziež, jamu taksama pryjdziecca kampiensavać naniesienuju škodu.
Čytajcie taksama:
U Minsku mužčyna parvaŭ pašpart byłoj žonki, kab nie pakidać joj svajo proźvišča
Biełarus skraŭ dzieviać pyłasosaŭ sa składa ŭ Rasii, a zatym pryvioz ich u milicyju