Na raskopkach u Kreŭskim zamku znajšli niekalki kukuciaŭ. Što heta takoje?
Artefakty XVII stahodździa ŭsio jašče pracujuć pa pryznačeńni.
Adzin z kukuciaŭ, adšukanych u Kreŭskim zamku. Fota: fejsbuk Aleha Dziarnoviča
Aleh Dziarnovič, kiraŭnik raskopak zamka ŭ Krevie, pakazaŭ u fejsbuku dvuch kukuciaŭ, jakija byli znojdzieny apošnimi dniami ŭ płaście XVII stahodździa.
Abodva kukuci majuć vyhlad konikaŭ. Adzin ź vialikaj hryvaj, a na inšym kaliści, vidać, byŭ i vieršnik.
Pieršy kukuć ź vieršnikam (nie źbiarohsia). Fota: fejsbuk Aleha Dziarnoviča
Kukúć — heta rehijanalnaja nazva hlinianaj śviściołki, utvoranaja ad litoŭskaha słova kukutis, jakim siarod inšaha litoŭcy abaznačajuć udoda. Biełaruskaja nazva ptuški pachodzić ad hukapierajmańnia jaje śpievu «ud-ud-ud», ale jaho možna pačuć i jak «ku-ku-ku», choć i nie takoje vyraznaje, jak u ziaziuli. Cikava, što inšaja nazva hetaj ptuški dudutis, jakoje suadnosicca z «dudka».
Druhi kukuć z hryvaj. Fota: fejsbuk Aleha Dziarnoviča
Niahledziačy na svoj uzrost i čas, praviedzieny ŭ ziamli, hlinianyja śviściołki paśla rasčystki hučać hetak ža, jak i stahodździ tamu, što prademanstravaŭ adzin z udzielnikaŭ raskopak.