Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie

Aŭtar telehram-kanała «Byť Ili» sabraŭ najbolš cikavyja vykazvańni, jakija siońnia prahučali padčas sustrečy prezidenta ZŠA Donalda Trampa i hienieralnaha sakratara NATA Marka Rute ŭ Biełym domie. 

Mark Rute i Donald Tramp padčas razmovy. Fota: Kevin Dietsch/Getty Images

Zbroja dla Ukrainy

• My zaklučyli siońnia pahadnieńnie z NATA, kali my budziem adpraŭlać im zbroju, a jany buduć płacić za jaho.
  
  
• NATA zmoža kupić u ZŠA vajskovaj dapamohi na miljardy dalaraŭ, usio heta budzie chutka dastaŭlena na pole boju.
  
  
• «Petryjoty» prybuduć u poŭnym kamplekcie. Niekatoryja prybuduć praź niekalki dzion.
  
  
• Kaardynavać pastaŭki buduć hienieralny sakratar Mark Rute i pastajanny pradstaŭnik ZŠA pry NATA Mećju Uitakier.
  
  
• Jość kraina, jakaja moža pieradać 17 «Petryjotaŭ». Mahčyma, nie ŭsie, ale bolšaja častka ź ich adpravicca na pole boju.

Tramp: My chočam zabiaśpiečyć, kab Ukraina zrabiła, što pavinna. Ale, moža być, Ukraina adčuje siabie nastolki natchnionaj, što pierastanie chacieć ździełku? 

Rute (pierabivaje): Ukraina choča ździełku i jana budzie prychilnaja hetamu pahadnieńniu, niama nijakich sumnievaŭ u hetym.

Tramp: Ukraina pavinna praciahvać chacieć ździełku.

Rute: Ja zhodny.

Tramp: A to raptam tak atrymajecca, što jana nie zachoča.

Rute: My zabiaśpiečym heta.

Tramp: My zabiaśpiečym. Ja ŭpeŭnieny, što jany zrobiać, što pavinny.

• My viedajem, što pavinna być zroblena. I heta budzie vielmi mocna.

Sankcyi

• Kali Rasija nie pahodzicca na ździełku, to praz 50 dzion ZŠA ŭviaduć druhasnyja pošliny ŭ pamiery 100% na jaje handlovych partnioraŭ.
  
  
• 500% uvodzić niama sensu. Kali my ŭviadziem 100%, efiekt budzie toj ža.

Hatoŭnaść Jeŭropy padtrymlivać Ukrainu da kanca

• U Jeŭropy vielmi vysoki bajavy duch da praciahu [padtrymki Ukrainy]. Kali ja ŭpieršyniu ŭciahnuŭsia ŭ heta, ja nie dumaŭ, što jon budzie takim. Ale jon taki. I ja skazaŭ im u minułym miesiacy: ich duch dziŭny. Jany sapraŭdy dumajuć, što heta vielmi-vielmi važnaja reč. Hladzicie, ciapier jany płaciać za ŭsio. A my bolš nie płacim.
  
  
• Ja razmaŭlaŭ z Hiermanijaj i inšymi krainami, i jany hatovyja iści vielmi daloka. Jany nie chočuć, kab heta praciahvałasia. Dumaju, Pucinu varta było b… Jahonaj ekanomicy vielmi drenna. Jamu treba ratavać svaju ekanomiku, ratavać krainu. I, viedajecie, u jaho vydatnaja kraina dla handlu, kali b jon traciŭ hetyja aktyvy na niešta inšaje zamiest vajny.

Pra Pucina

• Ja rasčaravany prezidentam Pucinym, tamu što ja chacieŭ ździełku dva miesiacy tamu.

Rute: Pucin ni razu nie pasłaŭ surjoznych ludziej u Stambuł. Ja pamiataju, jak vy, Rubia, Uitkaf byli hatovyja da hetych pieramoŭ. My nacisnuli na ŭkraincaŭ, kab jany adpravili vysokapastaŭlenuju kamandu ŭ Stambuł, i jany adpravili. A zatym rasijanie dasłali hetaha historyka, jaki raskazvaŭ nam historyju Rasii z 1215 hoda.

Tramp: My šmat havaryli z Pucinym. Ja kładu trubku, i taki: «Heta była dobraja razmova», a potym rakiety laciać na Kijeŭ i inšyja harady. I ja taki: «Dziŭna». I kali heta adbyvajecca 3-4 razy, ty razumieješ, što hetyja razmovy ničoha nie značać.

• Ja prychodžu dadomu, kažu pieršaj łedzi [Miełanii Tramp]: «Ty viedaješ, ja havaryŭ z Uładzimiram siońnia, u nas była vydatnaja razmova». Jana kaža: «Tak? Jany tolki što ŭdaryli jašče pa adnym horadzie». Tak što… Ja nie chaču kazać, što jon zabojca, ale jon ciažki chłopiec. Heta pravierana časam.
  
  
• Jon duryŭ mnohich ludziej, jon duryŭ Klintana, Buša, Abamu, Bajdena, ale jon nie abduryŭ mianie. Viedajecie, u niejki momant razmova nie kleicca, pavinny być dziejańni.
  
  
• Razy z čatyry jon kazaŭ: «Tak, u nas moža być ździełka, vyhladaje niadrenna». A zatym laciać bomby.

Pra prypynieńnie pastavak zbroi Ukrainie dva tydni tamu

• Siońnia vielmi vialiki dzień. My ź Pitam [Chiehsetam] viedali, što jon nastupić, tamu vyrašyli pierahledzieć. My nie mahli b zrabić toje, što robim siońnia, nie viedajučy, kolki ŭ nas zastałosia [na składach]. Tamu my zrabili nievialikuju paŭzu, i siońnia ŭ nas vielmi vialikaja padzieja.

Kamientary da artykuła