Piensijanier pamior, atrymaŭšy śmiarotnyja traŭmy padčas apracoŭki aharodu
68-hadovy mužčyna na svaim učastku pracavaŭ na matabłoku z kultyvataram i pa nieaściarožnaści jaho levaja naha trapiła pad krucilnuju frezu.
Fota: Dziaržkamitet sudovych ekśpiertyz
Kryki ab dapamozie pačuŭ chłopčyk, što prachodziŭ pobač, jon vyklikaŭ chutkuju.
Paśla taho jak rabotniki MNS zrezali častku frezy, paciarpiełaha špitalizavali ŭ rajonnuju balnicu. Miedyki akazvali jamu dapamohu (paciarpiełuju nahu daviałosia amputavać), adnak vyratavać žyćcio nie ŭdałosia — sielanin pamior na nastupny dzień, paviedamlaje Dziaržkamitet sudovych ekśpiertyz.
U Białynickim mižrajonnym adździele Dziaržkamiteta sudovych ekśpiertyz praviedziena sudova-miedycynskaja ekśpiertyza.
Ekśpiertami-chimikami ŭ bijałahičnych vadkaściach pamierłaha etanoł byŭ nie vyjaŭleny. U mužčyny byŭ zakryty pierałom pravaj klučycy, pierałomy dvuch rabrynaŭ, pravych plečavoj i ściahnovaj kostak, adkrytyja pierałomy kostak i rvanyja rany levaj nahi, što majuć prykmiety ciažkich paškodžańniaŭ.
Śmierć mužčyny nastupiła ad spałučanaj tupoj traŭmy, uskładnienaj raźvićciom traŭmatyčnaha šoku.