Niešta zaharełasia na zavodzie «Kieramin» VIDEA
Pavodle infarmacyi vidavočcaŭ, na zavodzie «Kieramin» u Minsku adbyłosia ŭzharańnie, piša telehram-kanał «Minsk. Hłavnoje!»
Skrynšot ź videa
Padrabiaznaści zdareńnia pakul nieviadomyja.
Na miesca ŭzharańnia ŭ cechu AAT «Kieramin» vyjechali padraździaleńni MNS.
Paśla MNS vydała paviedamleńnie adnosna hetaha incydentu:
«Adbyvajecca ŭzharańnie alivy i abstalavańnia ŭnutry cecha na prykładnaj płoščy ŭ 40 kvadratnych mietraŭ».
Pa danych MNS, pažar nieŭzabavie byŭ łakalizavany, ratavalniki praciahvali jaho tušeńnie, abaronu dachu i astudžeńnie hazavaj truby.
Pavodle papiarednich źviestak, nichto z rabotnikaŭ pradpryjemstva nie paciarpieŭ.
AAT «Kieramin» zajmajecca vytvorčaściu kieramičnaj plitki, kieramahranitu, vyrabaŭ sanitarnaj kieramiki i cehły. U Minsku jaho vytvorčaja placoŭka raźmieščanaja ŭ mikrarajonie Łošyca, na skryžavańni vulic Asipovickaj i Kižavatava.