Mer łatvijskaha horada atrymaŭ ranieńnie padčas abstrełu va Ukrainie
Mer łatvijskaha horada Ohre Ehiłas Chiełmanis atrymaŭ ranieńnie padčas abstrełu va Ukrainie. Jak paviedamili ŭ miascovym samakiravańni Ohre, zdareńnie adbyłosia minułaj nočču, kali Chiełmanis znachodziŭsia ŭ kamandziroŭcy va Ukrainie. Stan palityka aceńvajecca jak stabilny, paviedamlaje Delfi.lv.
Ehiłs Chiełmanis. Fota: facebook.com/egils.helmanis
Z kanca minułaha tydnia Chiełmanis razam z adnadumcami dastaŭlaŭ u pryfrantavuju zonu kala 20 aŭtamabilaŭ z humanitarnaj dapamohaj. Dakładnaja kolkaść mašyn i miesca pryznačeńnia pakul nie raskryvajucca ź mierkavańniaŭ biaśpieki.
Chiełmanis rehularna jeździć va Ukrainu z dapamohaj dla armii i mirnaha nasielnictva. Ciapier nieviadoma, ci byli razam ź im inšyja supracoŭniki haradskoha samakiravańnia.
Ministerstva zamiežnych spraŭ Łatvii paviedamiła, što kantaktavała z meram. Jon nie prasiŭ dapamohi, ale pasolstva hatova padtrymać jaho, kali spatrebicca. Chiełmanis płanuje viarnucca dadomu samastojna.
MZS Łatvii nahadvaje, što łatvijcam nie rekamiendujecca naviedvać Ukrainu z-za vysokaj niebiaśpieki, asabliva ŭ rehijonach, dzie iduć aktyŭnyja bajavyja dziejańni. U takich zonach niemahčyma harantavać biaśpieku abo akazać svoječasovuju dapamohu.
Čytajcie taksama:
Na vajnie va Ukrainie zahinuŭ rasijski aktyvist, jaki byŭ suprać vajny i zaklikaŭ nie iści na jaje
«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ
Tramp zajaviŭ, što rakiety dla Patriot užo adpraŭleny va Ukrainu