Biełarus Kanstancin Kalinoŭski, jaki vajavaŭ va Ukrainie, atrymaŭ ciažkija traŭmy na budoŭli ŭ Polščy. Jamu źbirajuć hrošy
33-hadovy Kanstancin Kalinoŭski ŭpaŭ z vyšyni treciaha paviercha, kali vykonvaŭ malarnyja pracy na budoŭli ŭ Varšavie. Mužčyna atrymaŭ šmatlikija pierałomy i ciapier maje patrebu ŭ lačeńni i reabilitacyi. Siabry abviaścili zbor na jahonaje adnaŭleńnie, piša Most.
Kanstancin pa palityčnych matyvach byŭ vymušany źjechać va Ukrainu. A kali tam pačałasia vajna, ustupiŭ u adno z padraździaleńniaŭ u składzie Uzbrojenych sił Ukrainy. Zatym jon źjechaŭ u Polšču, dzie paprasiŭ mižnarodnaj abarony i ŭładkavaŭsia pracavać na budoŭli.
6 červienia 2025 hoda jon znachodziŭsia na padviesnaj sistemie, ale raptam sarvaŭsia z trosaŭ.
Na miesca zdareńnia apieratyŭna prybyli ekstrannyja słužby, paciarpiełaha špitalizavali ź pierałomami plača, kryža, askołkavym pierałomam levaha myščałka patyličnaj kości, traŭmaj brušnoj połaści.
Mužčynu čakaje praciahłaja reabilitacyja, pracavać jon pakul nie zmoža. Kab padtrymać biełarusa, siabry abviaścili zbor srodkaŭ u pamiery 58,5 tysiačy złotych (13 750 jeŭra). Jany pojduć na lačeńnie, reabilitacyju, dapamohu ŭ składanaj žyćciovaj situacyi.