Siłaviki vypadkova raskryli, jak mienavita praviarajuć tych, kaho padazrajuć u «ekstremiźmie». Spaliŭsia adzin z adkaznych za heta
«Pa chadžeńniach pusta, infarmacyja ŭ BD «Aktyvist» adsutničaje», — napisaŭ hubazikaviec Michaił Miachovič.
Michaił Miachovič, jaki vypadkova vykłaŭ paviedamleńnie ŭ kanał. Fota: sport5.by
U telehram-kanał HUBAZiK vypadkova apublikavali dopis z nastupnym tekstam:
«Pa chadžeńniach pusta, infarmacyja ŭ BD «Aktyvist» adsutničaje, akramia infarmacyi ź BIESaŭ (bazy «Biesparadki». — NN) za 11.08.2020 bolš ničoha niama. Finansavańnia niama, kamientaroŭ niama».
Baza «Aktyvist» — heta jašče adna baza, jakoj karystajecca MUS Biełarusi. «Kali ŭ dvuch słovach, to heta svajeasablivy paśladoŭnik bazy «Biesparadki», ale pašyrany i z bolšaj kolkaściu funkcyj. Tam jość roznyja źviestki apieratyŭnaha charaktaru, jakija nie padlahajuć źmiaščeńniu pad hryf «sakretna»», — tłumačać u «Biełpole».
Aŭtar hetaha tekstu chavajecca za imiem M-13. Pa našych źviestkach, heta padpałkoŭnik HUBAZiK Michaił Miachovič, namieśnik kiraŭnika 4-ha adździeła adnaho z upraŭleńniaŭ. Pa źviestkach inicyjatyvy «Dzikaje palavańnie», jon adzin z tych, chto zapisvaje videa z zatrymanymi. Taksama Miachovič — adzin z administrataraŭ kanała samoha HUBAZiKa.
Michaił Miachovič. Fota: abff.by
Miachovič zachaplajecca futbołam. Jon zajmaŭsia futbołam i pa pracy — rasśledavaŭ spravy pra damoŭnyja futbolnyja matčy ŭ 2023-m, a sioleta pravodziŭ antykarupcyjnuju lekcyju ŭ Biełaruskaj fiederacyi futboła.