Byłoha futbalista «Krumkačoŭ» asudzili za ŭdzieł u pratestach
Alaksiej Dračoŭ prasłaviŭsia jak rabotnik «Makdonaldsa», jaki prabiŭsia ŭ vyšejšuju lihu.
Alaksiej Dračoŭ. Fota: krumkachy.com
Sud Kastryčnickaha rajona Minska vynies prysud pa spravie 30-hadovaha futbalista Alaksieja Dračova. Jamu prysudzili chatniuju chimiju za ŭdzieł u pratestach.
U 2017-m Dračoŭ pravioŭ 7 matčaŭ u vyšejšaj lizie čempijanata Biełarusi pa futbole za «Krumkačy». Admietna, što adnačasova jon praciahvaŭ pracavać u «Makdonaldsie».
Alaksiej — vypusknik Biełaruskaha dziaržaŭnaha ŭniviersiteta fizičnaj kultury, ale pajšoŭ pracavać spačatku ŭ łahistyku, a paśla ŭ restarany. Tym nie mienš jon zmoh realizavać svaju dziciačuju maru i trapić u kamandu vyšejšaj lihi — pry hetym čarhavaŭ treniroŭki i načnyja źmieny.
Alaksiej Dračoŭ
U 2021 hodzie Dračoŭ hulaŭ za «Smalavičy», paśla čaho skončyŭ karjeru i viarnuŭsia ŭ amatarski futboł.