U Lidskim rajonie zabłukała ŭ lesie 84-hadovaja žančyna
Ranicaj 18 lipienia ŭ ratavalnikaŭ źjaviłasia infarmacyja, što ŭ lesie kala vioski Bienievičy Lidskaha rajona zhubiłasia 84-hadovaja piensijanierka.
Skrynšot ź videa
Jak raskazaŭ muž žančyny, jany razam pajšli ŭ hryby, ale praź niekalki hadzin žonka stamiłasia i zastałasia adpačyć na palanie, pakul jon pajšoŭ pa mašynu. Kali ž viarnuŭsia, žančyny na miescy ŭžo nie było — i tady jon źviarnuŭsia pa dapamohu.
Da pošukaŭ dałučylisia supracoŭniki MNS i milicyi — usiaho 14 čałaviek i 4 adzinki techniki.
U vyniku abśledavańnia lesu ratavalniki znajšli žančynu i dastavili da mašyny chutkaj dapamohi. Špitalizacyja, praŭda, joj nie spatrebiłasia.