Stała viadoma pra vyzvaleńnie byłoha žurnalista «Miedyja-Paleśsia» Jaŭhiena Nikałajeviča
Jon byŭ prysudžany da paŭtara hoda kałonii za ŭdzieł u pratestach i całkam adbyŭ termin.
Jaŭhien Nikałajevič
U červieni 2025 hoda vyjšaŭ na svabodu 28-hadovy były žurnalist łuninieckaj niezaležnaj haziety «Miedyja-Paleśsia» Jaŭhien Nikałajevič. Jon byŭ prysudžany da paŭtara hoda kałonii za ŭdzieł u pratestach 2020 hoda. Nikałajevič całkam adbyŭ termin u kałonii №2 u Babrujsku.
Žurnalist «Miedyja-Paleśsia» pieršy raz byŭ zatrymany jašče padčas aśviatleńnia pratestaŭ u Pinsku 10 žniŭnia 2020 hoda. Tady Nikałajeviča źbili, jak i demanstrantaŭ. Jaho adpuścili praz tydzień. Paśla jaho zatrymlivali jašče 30 žniŭnia 2020 hoda. A ŭ listapadzie 2020 hoda kinuli na 10 sutak.
15 krasavika 2024 hoda Nikałajeviča zatrymali pa kryminalnaj spravie. 26 vieraśnia 2024 hoda sudździa Jaŭhienija Mielnik vyniesła jamu abvinavaŭčy prysud.