Na Rejnskim kirmašy ŭ Dziusieldorfie adbyŭsia vybuch: paciarpieli 19 čałaviek
Viečaram 18 lipienia na tradycyjnym Rejnskim kirmašy ŭ niamieckim horadzie Dziusieldorf adbyŭsia vybuch piratechničnaha vyrabu. Pavodle infarmacyi palicyi, u vyniku zdareńnia paciarpieli 19 čałaviek, siarod jakich — jak minimum adno dzicia, piša Bild.
Skrynšot ź videa
Papiarednie paviedamlajecca, što padčas fiejervierku adna z rakiet adchiliłasia ad kursu, palacieła ŭ bok ludziej i vybuchnuła kala ziamli. Niekatoryja śviedki čuli navat dva vybuchi.
Na miesca incydentu chutka prybyli ratavalniki, pažarniki i palicyja. Usie paciarpiełyja byli dastaŭleny ŭ balnicu. Palicyja razhladaje heta jak niaščasny vypadak.
Arhanizatary vyrašyli spynić kirmaš raniej, čym płanavałasia. Ciapier razhladajecca mahčymaść admianić fiejervierki na kirmašy nastupnaha hoda.
Rejnski kirmaš źjaŭlajecca adnym z najbujniejšych narodnych śviataŭ u Jeŭropie i pravodzicca štohod u lipieni z 1901 hoda. Zvyčajna jon doŭžycca kala dziesiaci dzion i ŭklučaje atrakcyjony, piŭnyja paviljony, šeści i fiejervierki.
Čytajcie taksama:
Vialikabrytanija nazvała imiony 18-ci pucinskich špijonaŭ
U Łos-Andželesie aŭtamabil prataraniŭ natoŭp ludziej: 20 čałaviek paciarpieli