U Asipovickim rajonie rybak vypaŭ z łodki i patanuŭ
Incydent zdaryŭsia na race Śvisłač. Mužčyna 17 lipienia znachodziŭsia ŭ łodcy la samaha bieraha i pierabiraŭ rybackija snaści, kali raptam straciŭ raŭnavahu i apynuŭsia ŭ vadzie. Jon byŭ biez ratavalnaha žyleta, što stała vyrašalnym faktaram u trahiedyi.
Pošuki doŭžylisia dva dni. Cieła 55-hadovaha mužčyny znajšli 19 lipienia ŭ 14:11 — usiaho za piać mietraŭ ad bieraha, na hłybini kala 2,5 mietra.
Śpiecyjalisty MNS i vadałazy Tavarystva vyratavańnia na vadzie pracavali na miescy zdareńnia z momantu atrymańnia paviedamleńnia pra jaho.