U Polščy znajšli vialikaje radovišča nafty i pryrodnaha hazu

U Polščy zrabili značnaje adkryćcio — u Bałtyjskim mory, niedaloka ad horada Śvinaujście znajšli vialikaje radovišča nafty i pryrodnaha hazu. Pra heta paviedamiła kampanija Central European Petroleum (CEP), paviedamlaje telekanał TVP3. Jak śćviardžajecca, heta najbujniejšaje tradycyjnaje radovišča nafty, jakoje kali-niebudź znachodzili ŭ Polščy, a da taho ž jano adno z samych vialikich u Jeŭropie.

Zdymak ilustracyjny. Fota: freepik.com

Adkryćcio było zroblena padčas bureńnia śvidraviny Wolin East 1. Pavodle acenak kampanii, u hetym miescy znachodzicca kala 5 miljardaŭ kubamietraŭ hazu i 22 miljony ton nafty. I heta nibyta tolki častka — usia licenzijnaja terytoryja «Volin» moža mieć da 27 miljardaŭ kubamietraŭ hazu i 33 miljony ton nafty.

Kampanija śćviardžaje, što hetaje adkryćcio moža istotna pavysić enierhietyčnuju biaśpieku Polščy. Namieśnik dziaržsakratara i hałoŭny hieołah krainy Kšyštaf Hałaš adznačyŭ, što choć radovišča jašče treba dakładna daśledavać i padrychtavać dakumientacyju, jano moža stać sapraŭdnym praryvam u historyi zdabyčy nafty i hazu ŭ Polščy.

Kamientary da artykuła