Dziaŭčyna chacieła arandavać u Minsku stylnuju dvuchpakajoŭku za $380, ale zapadozryła niadobraje

Ašukancy ŭ śfiery arendy žylla praciahvajuć padmanvać ničoha nie padazrajučych biełarusaŭ. I choć naviny na hetuju temu vychodziać rehularna, daloka nie ŭsie viedajuć pra novuju schiemu. Minčanka Maryna niadaŭna natrapiła na falšyvaha arendadaŭcu, ale svoječasova zapadozryła niešta niadobraje, piša Onliner.by.

— Navat nie viedaju, što rabić dalej. Praciahvajuć padmanvać ludziej, — zasmučajecca dziaŭčyna.

Uvahu Maryny pryciahnuła stylnaja dvuchpakajovaja kvatera na vulicy Čechava za $380 u miesiac.

— Natrapiła na abjavu i ŭstupiła ŭ pierapisku z uładalnikam žylla. Pra padobnyja vypadki čytała raniej. Toj ža počyrk. Paviedamleńni anałahičnyja, pašpart i dakumienty na kvateru — tyja ž, — raspaviadaje Maryna.

prostaja: ašukancy raźmiaščajuć abjavu ab arendzie simpatyčnaj kvatery pa zanižanym košcie. Achvotnyja, viadoma, nie suprać chutka «ŭchapić» taki dobry varyjant. Za prava pieršymi pahladzieć kvateru abo zareziervavać jaje dla siabie ŭ budučych kvatarantaŭ patrabujuć zakład. Paśla atrymańnia hrošaj na kartu, nibyta ŭładalnik žylla źnikaje.

Dziaŭčyna vyrašyła dać machlaram urok i adpraviła im spasyłku na artykuł pra ich:

— Paśla taho, jak ja skinuła artykuł pra ich, mianie zabłakiravali i vydalili ŭsie fota z dakumientami i numaram karty.

Jak nie trapić na vudu ašukancaŭ?

Takich prykładaŭ pa krainie dziasiatki, a to i sotni. Tamu milicyja nahadvaje: kab nie trapić na vudu ašukancaŭ, nieabchodna vykonvać miery zaściarohi.

Zaŭsiody patrabujcie i praviarajcie dakumienty na kvateru. Časta ŭ abjavach vystaŭlajuć zdymnyja kvatery, jakich nie isnuje. Abaviazkova prasicie ŭłaśnika pakazać pašpart pobač z tvaram, patrabujcie, kab jon prajšoŭsia pa kvatery z uklučanym videa: naprykład, pakazaŭ spalniu. Tak vy budziecie viedać, što heta dakładna kvatera, vystaŭlenaja ŭ abjavie.

Kali ŭładalnik žylla demanstruje kopii dakumientaŭ, treba paprasić pradstavić aryhinały. Ašukancy pry pierapiscy časta vykarystoŭvajuć raniej vykradzienyja kopii dakumientaŭ, u tym liku pašpartoŭ, daviedak, paśviedčańniaŭ.

Hałoŭnaje — ni ŭ jakim razie nie ŭnosicie avans. Nie varta apłačvać što-niebudź biez zaklučeńnia damovy arendy. Akramia taho, nieabchodna prapisvać u damovie pieradaču depazitu, umovy jaho nieviartańnia i abaviazkova brać raśpisku za avans.

Kamientary da artykuła