U Aŭstryi zatrymali skradzienuju mašynu ź biełarusam za rulom
Mašynu skrali ŭ 2015 hodzie ŭ Italii.
Facebook.com
U aŭstryjskaj ziamli Štyryja zatrymali skradzieny aŭtamabil, jakim kiravaŭ naš suajčyńnik, paviedamlaje «Biełaruś i śviet» sa spasyłkaj na palicyju.
Kampaktny krasovier Toyota RAV4 pad kiravańniem 42-hadovaha biełarusa spynili dla pravierki ŭ čaćvier 17 lipienia niezadoŭha da 10:00 na aŭtabanie A2.
U chodzie ahladu mašyny achoŭniki paradku vyjavili padazronyja prykmiety. Naprykład, byli vyjaŭleny ślady ŭmiašańnia ŭ unikalny sieryjny numar.
Dalejšaje raźbiralnictva i pošuk u ahulnajeŭrapiejskaj šenhienskaj infarmacyjnaj sistemie pakazali, što Toyota značyłasia ŭ vyšuku jak vykradzienaja ŭ Italii z červienia 2025 hoda.
Padčas apytańnia kiroŭca paviedamiŭ, što pieravoziŭ aŭtamabil ź Italii ŭ Polšču pa daručeńni inšaha čałavieka ŭ abmien na hrošy.
Aŭtamabil kanfiskavali, a našaha suajčyńnika zatrymali, źmiaściŭšy pa rašeńni prakuratury Hraca pad vartu ŭ turmu Hrac-Jakamini. Viadziecca rasśledavańnie.