U Hrecyi pa zapycie Małdovy zatrymali aliharcha Płachatniuka
Płachatniuk zavočna aryštavany jak u Małdovie, tak i ŭ Rasii.
«Niadaŭna aficyjnyja kanały suviazi Interpała ŭ Afinach (Hrecyja) paviedamili nam pra zatrymańnie dvuch hramadzian Małdovy. Adzin ź ich — Uładzimir Płachatniuk», — paviedamlaje palicyja Małdovy ŭ svaim telehram-kanale.
Pavodle źviestak vydańniaŭ PlusMedia i NewsMaker, druhi zatrymany — heta były małdaŭski deputat Kanstancin Cucu, blizki da Płachatniuka, piša Bi-bi-si.
U Małdovie Płachatniuka abvinavačvajuć u stvareńni i kiravańni złačynnaj arhanizacyjaj, machlarstvie i admyvańni hrošaj. Interpoł vydaŭ order na aryšt Płachotniuka ŭ lutym 2025 hoda.
Biźniesmien Uładzimir Płachatniuk uznačalvaŭ Demakratyčnuju partyju Małdovy z 2016 pa 2019 hod. U 2019 hodzie jon pakinuŭ krainu. U Rasii jaho taksama abvinavačvajuć u arhanizacyi złačynnaj supolnaści, kantrabandzie, niezakonnym zbycie narkotykaŭ i zamachu na zabojstva.
Płachatniuk zavočna aryštavany jak u Małdovie, tak i ŭ Rasii.