Pamior adstaŭny polski hienierał Valdemar Skšypčak

Jamu było 69 hadoŭ.

Valdemar Skšypčak pamior va ŭzroście 69 hadoŭ. Infarmacyju pra śmierć hienierała partału Onet paćvierdziła jaho siamja.

Vajenny ŭ 2006—2009 hadach byŭ kamandziram Suchaputnych vojskaŭ. U minułym kiravaŭ, siarod inšaha, Šmatnacyjanalnaj dyvizijaj Centr-Poŭdzień u Iraku. U 2012—2013 hadach zajmaŭ pasadu namieśnika ministra abarony pa pytańniach uzbrajeńnia i madernizacyi.

Infarmacyju pra śmierć hien. Valdemára Skšypčaka na partale X pieradaŭ ministr abarony.

«Da nas dajšła sumnaja navina pra śmierć hienierała Valdemára Skšypčaka. Heta vialikaja strata dla jaho blizkich i dla našaj vajennaj siamji. Prafiesijanalizm, addanaść Radzimie, patryjatyzm — hetyja słovy prychodziać na rozum, kali ŭspaminajem pana Hienierała. Dziakuj za tysiačy padrychtavanych sałdat, za kamandavańnie imi ŭ krainie i na misijach. Za dośvied, jakim da kanca Pan Hienierał dzialiŭsia z maładym pakaleńniem. Siońnia našy dumki i malitvy ź siamjoj, jakaja znachodzicca ŭ žałobie», — napisaŭ Uładzisłaŭ Kasiniak-Kamyš.

Hienierał Skšypčak mocna krytykavaŭ režym Łukašenki, nazyvaŭ biełaruskuju armiju niebajazdolnaj. Taksama jon prapanoŭvaŭ zadumacca ab farmavańni biełaruskich častak u polskaj armii.

Jon mierkavaŭ, što avanturyzm Łukašenki abumoŭleny tym, što ES pa-raniejšamu mała abmiažoŭvaje minski režym. «Treba sabrać sotni brusielskich čynoŭnikaŭ i pryvieźci ich na našu miažu ź Biełaruśsiu. Moža być, heta zaachvocić ich zadumacca ab biaśpiecy i budučyni Jeŭropy», — prapanoŭvaŭ Skšypčak.

Jon kazaŭ, što «kolkaść hramadzian Biełarusi, jakija znachodziacca ŭ vymušanaj emihracyi, vialikaja».

«Va Ukrainie vajuje połk Kalinoŭskaha, nabrany ź biełarusaŭ. Što pieraškadžaje ES pačać stavić pierad Łukašenkam vyrazna peŭnyja ŭmovy?» — mierkavaŭ Valdemar Skšypčak, zaklikajučy «vystavić Minsku rachunak za bandytyzm».

Kamientary da artykuła