U MNS raskazali padrabiaznaści pažaru ŭ minskim internacie
Paviedamleńnie pra pažar pastupiła ŭ 09:24 ad vidavočcy. Da miesca vykliku na vulicu Sołtysa apieratyŭna vyjechali padraździaleńni MNS. Z akna treciaha paviercha dzieviacipaviarchovaha budynka naziraŭsia mocny dym i ahoń, paviedamlaje MNS.
Fota: MNS
Vyśvietliłasia, što na trecim paviersie internata ŭ žyłym pakoi i ŭ kalidory zaharełasia majomaść płoščaj 20 kv.m. Administracyjaj abjekta sumiesna z padraździaleńniami MNS z budynka evakujavany 50 čałaviek, ź ich 15 dziaciej.
U 09:51 ratavalniki likvidavali pažar. Na miescy zdareńnia pravodzilisia raboty pa taktyčnaj vientylacyi pavietra ŭ budynku z vykarystańniem dymasosaŭ.
Pryčyna pažaru vyśviatlajecca.