U milicyi raskazali, jak pravieryć, jakomu banku naležyć karta
Milicyja bje try tryvohu — machlary prydumali novy sposab vymańvańnia hrošaj u biełarusaŭ. Pra padrabiaznaści raskazali ŭ ŭpraŭleńni pa supraćdziejańni kibierzłačynnaści UUS Bresckaha abłvykankama.
Kali raniej skradzienyja srodki čaściej pieravodzilisia na rachunki biełaruskich bankaŭ, to ciapier machlary pieraklučylisia na karty zamiežnych finansavych ustanoŭ — Rasii, Kazachstana, Uźbiekistana, Kyrhyzstana, ZŠA, Hruzii, Tadžykistana, Vienhryi, Słavakii i inšych krain.
Pradaviec u sacsietkach (čaściej u Instagram) prapanuje tavar pa vyhadnaj canie. Prosić apłacić na kartu zamiežnaha banka (naprykład, rasijskaha, kazachstanskaha abo jeŭrapiejskaha).
Paśla pieravodu hrošy imhnienna vyvodziacca za miažu, a pakupnik zastajecca ni z čym.
Praviarajcie BIN-numar karty (pieršyja 6 ličbaŭ) praz servisy kštałtu bincheck.io — jon pakaža, jakomu banku naležyć karta.
Nie pieravodźcie hrošy na rachunki zamiežnych bankaŭ, asabliva kali pradaviec nastojliva padhaniaje z apłataj.
Kuplajcie tolki na pravieranych placoŭkach z harantyjaj biaśpiečnych ździełak.