U Śvisłačy znajšli cieła mužčyny, jaki pamior ad pieradaziroŭki narkotykaŭ
Śledčyja vyśviatlajuć abstaviny śmierci 40-hadovaha mužčyny, jakoha znajšli miortvym u Minsku ŭ Śvisłačy. Pavodle atrymanaj infarmacyi, jon pamior ad pieradaziroŭki narkotykaŭ, paviedamlaje pres-słužba Śledčaha kamiteta.
Śvisłač. Fota ilustracyjnaje
Cieła biez prykmiet žyćcia znajšli 11 maja ludzi, što spłaŭlalisia na bajdarkach, i adrazu ž paviedamili pra heta ratavalnikam. Pryjechaŭšyja na miesca zdareńnia miedyki kanstatavali śmierć.
Spačatku zdavałasia, što mužčyna patanuŭ, ale ekśpiertyza pakazała, što pryčynaj stała mienavita pieradaziroŭka narkatyčnymi i psichatropnymi rečyvami. Jak stała viadoma, za tydzień da trahiedyi mužčyna pajšoŭ na sustreču z znajomym i nie viarnuŭsia — rodnyja źviarnulisia ŭ milicyju.
Pa fakcie śmierci raspačata kryminalnaja sprava pa artykule, jaki tyčycca niezakonnaha abarotu narkotykaŭ, što pryvioŭ da śmierci čałavieka pa nieaściarožnaści. Zaraz viaducca śledčyja dziejańni i šukajuć asobaŭ, datyčnych da raspaŭsiudu narkotykaŭ.
Z pačatku 2025 hoda ŭ Minsku ŭžo raspačata siem kryminalnych spraŭ, źviazanych sa śmierciami ad užyvańnia zabaronienych rečyvaŭ.
Čytajcie taksama:
Biełaruskija pamiežniki zatrymali mužčynu, jaki jechaŭ ź Litvy razam z samakrutkaj marychuany
14 i 16-hadovych padletkaŭ zatrymali za raspaŭsiud narkotykaŭ. Im pahražaje da 15 hadoŭ
Zakładčyca ź dziaviataha kłasa: u Oršy zatrymali 16-hadovuju dziaŭčynu za narkotyki