Žančyna prahłynuła asu razam z haziroŭkaj i ledź nie pamierła
Vypadak zdaryŭsia ŭ Bresckaj vobłaści.
Padčas dziažurstva na aŭtamabilnym fiestyvali ŭ rajonie pasiołka Muchaviec staršy ŭčastkovy inśpiektar Brestskaha RAUS Siarhiej Ihnaciuk zaŭvažyŭ paru, jakoj terminova patrabavałasia dapamoha, raspaviadaje bresckaja milicyja.
Akazałasia, što žančyna z Bresta, zrabiŭšy hłytok haziroŭki, vypadkova prahłynuła asu. U jaje imhnienna pačałasia ciažkaja alerhičnaja reakcyja — dychańnie stała ciažkim, stan rezka pahoršyŭsia.
Inśpiektar na słužbovaj mašynie terminova dastaviŭ paciarpiełuju ŭ balnicu. Daktary dyjahnastavali ŭ jaje aciok Kvinkie — žyćciova niebiaśpiečny stan, pry jakim lik idzie na chviliny.
Žančynie ŭdałosia svoječasova akazać nieabchodnuju dapamohu, ciapier jana prachodzić lačeńnie ŭ reanimacyi.